ກອງປະຊຸມປືກສາຫາລື ແລະ ການລົງສຳຫຼວດຂໍ້ມູນພື້ນຖານວຽກງານດ້ານຄວາມສ່ຽງການປ່ຽນແປງດິນຟ້າອາກາດ ແລະ ໄພພິບັດ ແຂວງ ສະຫວັນນະເຂດ

 

        ກອງປະຊຸມປືກສາຫາລື ແລະ ການລົງສຳຫຼວດຂໍ້ມູນພື້ນຖານວຽກງານຄຸ້ມຄອງດ້ານຄວາມສ່ຽງການປ່ຽນແປງດິນຟ້າອາກາດ ແລະ ໄພພິບັດ ແຂວງ ສະຫວັນນະເຂດ .

ໃນຕອນເຊົ້າເວລາ 8 ໂມງ 00 ນາທີ ຂອງວັນທີ 18 ພະຈິກ 2025 ທີ່ຫ້ອງປະຊຸມພະແນກກະສິກໍາ ແລະ ສີ່ງແວດລ້ອມແຂວງ ສະຫວັນນະເຂດ, ໄດ້ຈັດກອງປະຊຸມປືກສາຫາລື ແລະ ການລົງສໍາຫຼວດຂໍ້ມູນພື້ນຖານວຽກງານຄຸ້ມຄອງດ້ານຄວາມສ່ຽງການປ່ຽນແປງດິນຟ້າອາກາດ ແລະ ໄພພິບັດ ແຂວງ ສະຫວັນນະເຂດ, ໂດຍໃຫ້ກຽດເປັນປະທານຮວ່ມຂອງທ່ານ ປອ ທັດສະກາ ສະພັງທອງ ຄະນະປະຈຳພັກກະຊວງ, ຫົວໜ້າກົມພັດທະນາຊົນນະບົດ ແລະ ຫຼຸດຜ່ອນຄວາມທຸກຍາກ ແລະ  ທ່ານ ແກ້ວອຸດອນ ສຸລິຍະ ຄະນະພັກຮາກຖານພະແນກກະສິກຳ ແລະ ສີ່ງແວດລ້ອມ, ຮອງຫົວໜ້າພະແນກກະສິກຳ ແລະ ສີ່ງແວດລ້ອມແຂວງສະຫວັນນະເຂດ , ມີບັນດາທ່ານຮອງຫົວໜ້າກົມພັດທະນາຊົນນະບົດ ແລະ ຫຼຸດຜ່ອນຄວາມທຸກຍາກ, ຄະນະປະສານງານໂຄງການຂັ້ນສູນກາງ, ຄະນະທີມງານຊ່ຽວຊານຈາກທະນາຄານພັດທະນາອາຊີ, ຄະນະຂະແໜງ, ບັນດາແຂກທຸກທ່ານຈາກພະແນກການທີ່ກ່ຽວຂ້ອງ, ແລະ ພະນັກງານຂະແໜງພັດທະນາຊົນນະບົດ ແລະ ຫຼຸດຜ່ອນຄວາມທຸກຍາກ ເຂົ້າຮ່ວມທັງໜົດ 38 ທ່ານ ຍີງ 09 ທ່ານ.

ໃນພິທີດັ່ງກ່າວ, ທ່ານ ແກ້ວອຸດອນ ສຸລິຍະ ຄະນະພັກຮາກຖານພະແນກກະສິກຳ ແລະ ສີ່ງແວດລ້ອມ, ຮອງຫົວໜ້າພະແນກກະສິກຳ ແລະ ສີ່ງແວດລ້ອມແຂວງ  ມີຄຳເຫັນຕໍ່ກອງປະຊຸມ ການເກັບກໍາຂໍ້ມູນພື້ນຖານວຽກງານຄຸ້ມຄອງດ້ານຄວາມສ່ຽງການປ່ຽນແປງດິນຟ້າອາກາດ ແລະ ໄພພິບັດ ເພື່ອກະກຽມການຕອບໂຕ້ໄພພິບັດຂັ້ນແຂວງ, ຂັ້ນເມືອງ ແລະ ບ້ານເປົ້າໜາຍຂອງໂຄງການສ້າງຄວາມເຂັ້ມແຂວງດ້ານການປັບຕົວ ແລະ ຫຼຸດຜ່ອນຄວາມທຸກຍາກໃນເຂດຊົນນະບົດ ໃຫ້ມີປະສິດທິພົນ.

ຈາກນັ້ນ,ທ່ານ ປອ ທັດສະກາ ສະພັງທອງ ຄະນະປະຈຳພັກກະຊວງ, ຫົວໜ້າກົມພັດທະນາຊົນນະບົດ ແລະ ຫຼຸດຜ່ອນຄວາມທຸກຍາກ ໄດ້ມີຄຳເຫັນຕໍ່ກອງປະຊຸມໃນການຈັດຕັ້ງປະຕິບັດໂຄງການແມ່ນເພື່ອສຸມໃສ່ແກ້ໄຂຊີວິດການເປັນຢູ່ຂອງປະຊາຊົນອອກຈາກຄວາມທຸກຍາກ, ເປັນໂຄງການທີ່ສໍາຄັນຕໍ່ກັບໂຄງການພັດທະນາໃນເຂດກະສິກຳ ແລະ ສີ່ງແວດລ້ອມ ແລະ ພັດທະນາຊົນນະບົດໂດຍສະເພາະວຽກງານຫຼຸດຜ່ອນຄວາມທຸກຍາກ ແລະ ການຕ້ານໄພພິບັດຕ່າງໆໃຫ້ນັບມື້ນັບເຂັ້ມແຂງຢ່າງຕໍ່ເນື່ອງ.

 ຕໍ່ມາ, ທ່ານພູທອນ ໄຊຍະວົງ ຮອງຫົວໜ້າປະສານງານໂຄງການສ້າງຄວາມເຂັ້ມແຂງທາງດ້ານການປັບຕົວ ແລະ ຫຼຸດຜ່ອນຄວາມທຸກຍາກໃນຊົນນະບົດ, ໄດ້ນໍາສະເໜີສະພາບລວມຂອງໂຄງສ້າງຄວາມເຂັ້ມແຂງດ້ານການປັບຕົວ ແລະ ຫຼຸດຜ່ອນຄວາມທຸກຍາກໃນເຂດຊົນນະບົດ ແລະ ນໍາສະເໜີການເລກປ່ຽນສໍາຫຼວດຂໍ້ມູນພື້ນຖານວຽກງານຄຸ້ມຄອງດ້ານຄວາມສ່ຽງການປ່ຽນແປງດິນຟ້າອາກາດ

ຈາກນັ້ນ,   ກອງປະຊຸມໄດ້ປືກສາຫາລືໃນຄັ້ງນີ້ແມ່ນໄດ້ດຳເນີນໄປຕາມຈຸດປະສົງ ແລະ ເປົ້າໜາຍທີ່ກໍານົກໄວ້ຕາມລະບຽບການໄດ້ມີການສົນທະນາປືກສາຫາລືແລກປ່ຽນປະກອບຄຳຄິດຄຳເຫັນຈາກຫຼາຍພາກສ່ວນ ແລະ ແບ່ງເປັນກຸ່ມ ເພື່ອເຮັດໃຫ້ກອງປະຊຸມມີປະສິດທິພາບສູງທີ່ຈະນຳໄປຈັດຕັ້ງປະຕິບັດ ແລະ ກອງປະຊຸມກໍ່ໄດ້ມີຄວາມເຫັນດີເປັນເອກະພາບກັນ.

ກອງປະຊຸມໄດ້ປິດລົງຢ່າງເປັນທາງການໃນເວລາ 12:00 ນາທີຂອງວັນດຽວກັນ.