ຄະນະນໍາໂຄງການສູນໜອງເຕົ່າ(ຝ່າຍໄທ)ເຂົ້າພົບຄະນະພະແນກກະສິກຳ ແລະ ສີ່ງແວດລ້ອມແຂວງ ສະຫວັນນະເຂດ
.jpeg)
.jpeg)
ໃນຄັ້ງວັນທີ 03 ກັນຍາ 2026 ຄະນະໂຄງການສູນພັດທະນາ ແລະ ບໍລິການກະສິກຳ ແລະ ປ່າໄມ້ໜອງເຕົ່າ(ຝ່າຍໄທ) ໄດ້ເຂົ້າພົບທ່ານ ປອ ສຸນັນທາ ຈຸນລະມະນີ ຫົວໜ້າພະແນກກະສິກຳ ແລະ ສີ່ງແວດລ້ອມແຂວງ ສະຫວັນນະເຂດ ແລະ ທ່ານ ນາງ ອໍລະວັນ ສາມາດມະນີວົງ ຮອງຫົວໜ້າພະແນກກະສິກຳ ແລະ ສີ່ງແວດລ້ອມແຂວງ ສະຫວັນນະເຂດ, ເຂົ້າຮ່ວມໃນຄັ້ງນີ້ມີທ່ານ ປັດ ປັດທຳມະຈິດ ກົງສູນໃຫ່ຍແຫ່ງຣາຊະນາຈັກໄທ ປະຈຳແຂວງ ສະຫວັນນະເຂດ, ທ່ານ ທະນະລິດ ລັດຖະປະກອນ ຜູ້ອຳນວຍການກອງປະສານງານໂຄງການ ພື້ນທີ2 ກປລ, ພ້ອມດ້ວຍຄະນະຂະແໜງ ແລະ ພະນັກງານວິຊາການຈາກສອງຝ່າຍ.
ໃນໂອກາດນີ້, ຄະນະນໍາໂຄງການສູນພັດທະນາ ແລະ ບໍລິການກະສິກຳ-ປ່າໄມ້ ໜອງເຕົ່າ(ຝ່າຍໄທ)ໄດ້ກ່າວແນະນຳຄະນະ ແລະ
ລາຍງານຈຸດປະສົງໃນການເຂົ້າພົບ ແລະ ພ້ອມທັງຂໍທິດຊີ້ນຳຮ່ວມກັບຄະນະທັງສອງຝ່າຍ,
ການປືກສາຫາລືແມ່ນເນັ້ນໃສ່ ປະເດັນສຳຄັນຄື້:
ການປ່ຽນລະບົບຄຸ່ມຄອງບໍລິຫານໂຄງການສູນພັດທະນາ
ແລະ ບໍລິການກະສິກຳ ແລະ ປ່າໄມ້ໜອງເຕົ່າ
ຈາກມູນນິທີໄຊພັດທະນາ ມາເປັນ ຄະນະບໍລິການພະຣາດສະດຳຣີ ຂອງສຳນັກງານ ກປລ ແລະ
ການຈັດການລາຍໄດ້ຂອງໂຄງການ.
ຈາກນັ້ນ,
ທ່ານ ປອ ສຸນັນທາ ຈຸນລະມະນີ ຫົວໜ້າພະແນກກະສິກຳ ແລະ ສີ່ງແວດລ້ອມແຂວງ ສະຫວັນນະເຂດ ໄດ້ກ່າວຕອນຮັບຄະນະນຳໂຄງການພ້ອມທັງແນະນຳຄະນະຝ່າຍພະແນກ
ແລະ ແລກປ່ຽນຄຳຄິດຄຳເຫັນຮ່ວມກັນກ່ຽວກັບລະບົບຄຸ້ມຄອງບໍລິຫານສູນ
ຕະຫຼອດເຖີງທິດທາງການປະສານງານໃນໄລຍະຕໍ່ໜ້າ.
ສຳລັບລະບົບການບໍລິການຈັດການໂຄງການ ຢູ່ສຸນໜອງເຕົ່າ ກ່ອນໜ້ານີ້ໄດ້ມີການລາຍງານວ່າ:ໂຄງການໄດ້ມີການປ່ຽນລະບົບຈັດການ ໂດຍສະເພາະດ້ານການສະໜອງທືນ ຈາກມູນນິທິໄຊພັດທະນາ ມາເປັນ ສຳນັກງານ ກປລ, ຝ່າຍຄະນະປະສານງານໂຄງການຝ່າຍລາວເຫັນດີ ແລະ ພ້ອມຮັບການປ່ຽນແປງດັ່ງດ່າວໂດຍເນັ້ນໃຫ້ມີຄວາມຊັດເຈນໂປ່ງໃສ ແລະ ສະດວກຕໍ່ທຸກຝ່າຍໃນການຈັດຕັ້ງປະຕິບັດ.
ພ້ອມນີ້, ກອງປະຊຸມໄດ້ສະທ້ອນເຖີງໄລຍະເວລາລໍຖ້າການປ່ຽນຖ່າຍລະບົບ ນັບແຕ່ຕົ້ນປີຈົນເຖີງປະຈຸບັນເປັນເວລາປະມານ8-9 ເດືອນ ເຮັດໃຫ້ບາງດ້ານຍັງຂາດຄວາມຊັດເຈນໂດຍສະເພາະການນຳໄຊ້ງົບປະມານໃນວຽກຄຸ້ມຄອງ-ບໍລິຫານ ວ່າຈະນຳໃຊ້ຈາກຮ່ວງໃດ ແລະ ຕາມລະບຽບແນວໃດ ຂະນະດຽວກັນລາຍຮັບດ້ານວິຊາການບາງສ່ວນທີ່ເກີດຂື້ນພາຍຫຼັງການປ່ຽນຖ່າຍລະບົບຍັງຕ້ອງໄດ້ກຳນົກດຊັດເຈນວ່າຈະນຳເຂົ້າບັນຊີໃດ ແລະ ຈັດການຕາມລະບຽບໃດ, ການເຂົ້າພົບຄັ້ງນີ້ຖືເປັນໂອກາດອັນດີໃນການປືກສາຫາລື, ແລກປ່ຽນຄຳຄິດຄຳເຫັນ ແລະ ຊອກຫາແນວທາງຮ່ວມກັນເພື່ອກຳນົດລະບົບຄຸ້ມຄອງ-ບໍລິຫານ ການຈັດການລາຍໄດ້ ແລະ ທິດທາງການປະສານງານໃຫ້ມີຄວາມຊັດເຈນສາມາດດຳເນີນງານໄດ້ສິດວກ ແລະ ມີປະສິດທິຜົນຕໍ່ການພັດທະນາສູນ ແລະ ບໍລິການກະສິກຳ ແລະ ປ່າໄມ້ໜອງເຕົ່າໃນໄລຍະຕ່ໜ້າ.
ไม่มีความคิดเห็น: