ພະແນກກະສິກຳ ແລະ ສີ່ງແວດລ້ອມແຂວງ ສະຫວັນນະເຂດ ເປີດພິທີຮັບມະຫາຊົນກ້າວໜ້າເຂົ້າເປັນສຳມະຊິກພັກປະຊາຊົນປະຕິວັດລາວ ແລະ ເລື່ອນສໍາມະຊິກພັກສຳຮອງ ເປັນສະມາຊິກພັກສົມບູນ

 

ພິທີຮັບມະຫາຊົນກ້າວໜ້າເຂົ້າເປັນສຳມະຊິກພັກປະຊາຊົນປະຕິວັດລາວ ແລະ ເລື່ອນສໍາມະຊິກພັກສຳຮອງ ເປັນສະມາຊິກພັກສົມບູນ ຂອງ 6 ໜ່ວຍພັກ.

 ຕອນເຊົ້າຂອງວັນທີ  05 ມີຖຸນາ 2026 ພະແນກກະສິກຳ ແລະ ສິ່ງແວດລ້ອມແຂວງ ສະຫວັນນເຂດ ໄດ້ຈັດພິທີຮັບມະຫາຊົນກ້າວໜ້າເຂົ້າເປັນສຳມະຊິກພັກປະຊາຊົນປະຕິວັດລາວ ແລະ ເລື່ອນສໍາມະຊິກພັກສຳຮອງ ເປັນສະມາຊິກພັກສົມບູນຂອງ 6 ໜ່ວຍພັກ ທີ່ຫ້ອງປະຊຸມຂອງພະແນກກະສິກຳ ແລະ ສິ່ງແວດລ້ອມ ແຂວງ ສະຫວັນນເຂດ ​ໂດຍ​ການປະທານຂອງ ສະຫາຍ ນາງ ອໍລະວັນ ສາມາດມະນີວົງ, ຮອງເລຂາຄະນະພັກຮາກຖານ ຮອງຫົວໜ້າພະແນກກະສິກຳ ແລະ ສິ່ງແວດລ້ອມແຂວງ ສະຫວັນນະເຂດ ມີບັນດາສະຫາຍເລຂາໜ່ວຍພັກ, ຄະນະໜ່ວຍພັກ, ສະມາຊິກພັກ​ ພາຍໃນໜ່ວຍພັກ 06 ໜ່ວຍພັກ  ​ແລະ ຕ່າງໜ້າສະຫາຍຄະນະໜ່ວຍພັກອ້ອມຂ້າງ , ຕາມໜ້າອົງການຈັດຕັ້ງມະຫາຊົນ ເຂົ້າຮ່ວມ.

ໃນພິທີດັ່ງກ່າວ,  ສະຫາຍ ນ. ປານທິບ ຣາຊຈັກ   ເລຂາໜ່ວຍພັກຂະແໜງ ຊັບພະຍາກອນນຳ້, ອຸຕຸນິຍົມ ແລະ ອຸທົກກະສາດ ໄດ້ຂື້ນຜ່ານມະຕິຕົກລົງຂອງຄະນະປະຈຳພັກແຂວງ  ວ່າດ້ວຍການອະນຸມັດຮັບມະຫາຊົນກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ ສະບັບເລກທີ 286/ຄປພຂ, ລົງວັນທີ 26 ມີນາ 2026 ພ້ອມທັງອະທິບາຍທຸງຊາດ-ທຸງພັກໃຫ້ແກ່ສະມາຊິກພັກໃໝ່ ແລະ ຍັງໄດ້ມອບມະຕິຕົກລົງຂອງຄະນະປະຈຳພັກແຂວງ  ໃຫ້ແກ່ມະຫາຊົນກ້າວເຂົ້າເປັນສຳມະຊິກພັກປະຊາຊົນປະຕິວັດລາວ.

            ຕໍ່ມາ, ສະຫາຍ ສີສະອາດ ຣາຊະພົນ ເລຂາໜ່ວຍພັກຂະແໜງປູກຝັງ ໄດ້ຂື້ນຜ່ານມະຕິຕົກລົງຂອງຄະນະປະຈຳພັກແຂວງ  ວ່າດ້ວຍການຮັບເລື່ອນສະມາຊິກພັກສຳຮອງ ເປັນສະມາຊິກພັກສົມບູນ ສະບັບເລກທີ 313/ຄປພຂ, ລົງວັນທີ 26 ມີນາ  2026, ສະບັບເລກທີ 314/ຄປພຂ, ລົງວັນທີ 26 ມີນາ  2026, ສະບັບເລກທີ 315/ຄປພຂ, ລົງວັນທີ 26 ມີນາ  2026, ສະບັບເລກທີ 316/ຄປພຂ, ລົງວັນທີ 26 ມີນາ  2026, ສະບັບເລກທີ 317/ຄປພຂ, ລົງວັນທີ 26 ມີນາ  2026 ແລະ ສະບັບເລກທີ 331/ຄປພຂ, ລົງວັນທີ 26 ມີນາ  2026 ພ້ອມທັງມອບມະຕິຕົກລົງຂອງຄະນະປະຈຳພັກແຂວງ ໃຫ້ແກ່ສະຫາຍສະມາຊິກພັກທີ່ໄດ້ຮັບອະນຸມັດເລື່ອນສະມາຊິກພັກສົມບູນ.

ໃນຕອນທ້າຍຂອງພິທີ ສະຫາຍ ນາງ ອໍລະວັນ ສາມາດມະນີວົງ  ໃຫ້ກຽດໂອ້ລົມຕໍ່ພິທີດັ່ງກ່າວ ເຊິ່ງສະຫາຍໄດ້ເນັ້ນໜັກບາງຄໍາຕໍ່ສະມາຊິກພັກ ເຊີ່ງວ່າ: ພັກປະຊາຊົນລາວກໍ່ສ້າງ ແລະ ປັບປຸງຕົນເອງຕາມ 5 ຫຼັກການ ແລະ 3 ທິດນໍາ,  ຂໍ້ຫ້າມຂອງສະມາຊິກພັກ 11 ຂໍ້ຫ້າມ ແລະ  ຮຽກຮ້ອງມາຍັງ ຄະນະໜ່ວຍພັກ, ສະມາຊິກພັກ ທຸກສະຫາຍ ໃຫ້ມີທັດສະນະຫຼັກໝັ້ນດ້ານການເມືອງ – ແນວຄິດ, ຍົກສູງຄວາມ ຮັບຜິດຊອບເສຍສະຫຼະສ່ວນຕົວ ເພື່ອສ່ວນລວມ, ເປັນແບບຢ່າງທີ່ດີ ໃຫ້ແກ່ມະຫາຊົນ, ມີຄວາມສື່ສັດສຸດຈະລິດ ຕໍ່ໜ້າທີວຽກງານ, ມີຄວາມສາມັກຄີ ແລະ ເອົາໃຈໃສ່ຕໍ່ໜ້າທີການເມືອງ ທີ່ພັກມອບໝາຍໃຫ້ ແລະ ຝຶກຝົນຫຼໍ່ຫຼອມຕົນເອງເປັນສະມາຊິກພັກທີ່ດີເດັ່ນ, ປອດໃສ ເຂັ້ມແຂງ ໜັກແໜ້ນ.  ຫຼັງຈາກນັ້ນ ສະຫາຍສະມາຊິກພັກ ທີ່ໄດ້ຮັບອະນຸມັດເລື່ອນສະມາຊິກພັກສົມບູນ ກໍ່ໄດ້ຂື້ນຮັບຄຳໂອ້ວາດ ຈາກຄະນະພັກ ຂັ້ນເທິງ.

ພິທີກໍ່ໄດ້ສິ້ນສຸດໃນເວລາ11:25 ນາທີ ຂອງວັນທີດຽວກັນ.\