ກົມແຜນການ ແລະ ການເງິນ ລົງເຄື່ອນໄຫວວຽກຢູ່ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ
ກົມແຜນການ ແລະ ການເງິນລົງເຄື່ອນໄຫວວຽກງານຢູ່ທ້ອງຖີ່ນໃນລະຫວ່າງວັນທີ 19 -21/ 2025
ໃນຕອນເຊົ້າເວລາ 8 ໂມງ 30 ນາທີ ຂອງວັນທີ 19 ກຸມພາ 2025 ທີ່ຫ້ອງປະຊຸມ ພະແນກຊັບພະຍາ ກອນທຳມະຊາດ ແລະ ສີ່ງແວດລ້ອມແຂວງ ໄດ້ຈັດກອງປະຊຸມການລົງຊຸກຍູ້ ແລະ ຕິດຕາມແຜນພັດທະນາເສດຖະກິດສັງຄົມ 5 ປີ ຄັ້ງທີ IX ( 2021- 2025 ) ແລະ ທິດທາງແຜນການ 5 ປີ ຄັ້ງທີ X ( 2026-2030) ຂອງຂະແໜງ ຊັບພະຍາກອນທໍາມະຊາດ ແລະ ສິ່ງແວດລ້ອມ, ໂດຍການໃຫ້ກຽດເປັນປະທານຮ່ວມຂອງທ່ານ ນ. ພັກກາວັນ ພິດສະໄໝ ຫົວໜ້າກົມແຜນການ ແລະ ການເງິນ ແລະ ທ່ານ ແສນສັກ ພິມວົງສາ ກຳມະການພັກແຂວງ, ເລຂາພັກຮາກຖານ, ຫົວໜ້າພະແນກ ຊສ ແຂວງ , ມີບັນດາຄະນະພະແນກ ພຊສ, ຄະນະຂະແໜງ, ພະນັກງານພະແນກ ແລະ ທິມງານກົມແຜນການ ແລະ ການເງິນ ມີຜູ້ເຂົ້າຮ່ວມທັງໜົດ 44 ທ່ານ ຍີງ 13 ທ່ານ.
ໃນກອງປະຊຸມທ່ານ ນ. ພັກກາວັນ ພິດສະໄໝ ຫົວໜ້າກົມແຜນການ ແລະ ການເງິນ ໄດ້ກ່າວເປີດກອງປະຊຸມ ແລະ ມີຄຳເຫັນການລົງຊຸກຍູ້ ແລະ ຕິດຕາມແຜນພັດທະນາເສດຖະກິດສັງຄົມ 5ປີ ຄັ້ງທີ IX ( 2021- 2025 ) ແລະ ທິດທາງແຜນການ 5 ປີ ຄັ້ງທີ X ( 2026-2030) ຢ່າງກົງໄປກົງມາ ແລະ ທ່ານ ແສນສັກ ພິມວົງສາ ກຳມະການພັກແຂວງ, ເລຂາພັກຮາກຖານ, ຫົວໜ້າພະແນກແຜນການ ກໍ່ໄດ້ມີຄໍາເຫັນຕໍ່ກອງປະຊຸມ.
ໃນກອງປະຊຸມດັ່ງກ່າວທ່ານ ຄຳພວງ ຄຳມູນຕີ ຫົວໜ້າພະແນກແຜນການ
ໄດ້ລາຍງານການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 5 ປີ ຄັ້ງທີ IX ( 2021- 2025 ) ແລະ ທິດທາງແຜນການ 5 ປີ ຄັ້ງທີ X ( 2026-2030) ແລະ ແນະນໍາແບບຟອມໃນການສະຫຼຸບ ແລະ
ການສ້າງແຜນ5 ປີ.
ຈາກນັ້ນ,ທ່ານ
ຫວານເຢັນ ນັນສູນທະວົງ ວ່າການ ຫົວໜ້າຂະ
ແໜງບໍລິຫານ, ຈັດຕັ້ງ ແລະ ກວດກາ ຕ່າງໜ້າໃຫ້ພະແນກ ຊສ ກໍ່ໄດ້ລາຍງານການຈັດຕັ້ງປະຕິບັດວຽກງານປະຈຳປີ
2024 ແລະ ທິດທາງແຜນການປີ 2025 ແລະ
ທິດທາງແຜນການ 5 ປີ ( 2026-2030) ຂອງພຊສ,
ຕໍ່ມາ, ທ່ານ ສິນມະໂນລັກ ສິນບັນດິດ ຮອງຫົວໜ້າພະແນກຮ່ວມມືສາກົນໄດ້ຜ່ານບົດສະຫຼຸບການຈັດຕັ້ງປະຕິບັດຮ່ວມມືສອງຝ່າຍ
ແລະ ຫຼາຍຝ່າຍ ແລະ ສົນທິສັນຍາທີ່ຕິດພັນກັບຂະແໜງ ຊສ ໃນໄລຍະຜ່ານມາ ແລະ
ທິດທາງໃນຕໍ່ໜ້າ, ການຈັດຕັ້ງປະຕິບັດຍຸດທະສາດເຕີບໂຕສີຂຽວ ແລະ ເປົ້າໜາຍການພັດທະນາແບບຍືນຍົງທີ່ຕິດພັນຂະແໜງ
ຊສ.
ຈາກນັ້ນ ທ່ານ ບົວລົມພອນ ຄຳສົງສາ ຫົວໜ້າພະແນກຄຸ້ມຄອງ
ແລະ ປະເມີນໂຄງການ ໄດ້ຂື້ນຜ່ານສະຫຼຸບວຽກງານໂຄງການລົງທືນຂອງລັດ( ພາຍໃນ ແລະ
ຕ່າງປະເທດ) 5 ປີ ( 2021-2025) ແລະ ຄາດຄະເນໂຄງການລົງທືນຂອງລັດຂອງລັດ 5 ປີ (
2026-2030) ຂອງຂະແໜງຊສ ແລະ ນໍາສະເໜີແບບຟອມສະຫຼຸບບັນຊີໂຄງການ.
ຕໍ່ມາ ທ່ານ ນ. ອານຸສາ ບົວຜາແກ້ວ ຮອງຫົວໜ້າພະແນກບັນຊີ
ໄດ້ຂື້ນຜ່ານສະຫຼູບວຽກງານບັນຊີ ຂອງຂະ ແໜງ ຊສ
ໃນ 5 ປີ ( 2021-2025) ແລະ ທິດທາງແຜນການ ( 2026-2030).
ຈາກນັ້ນ ທ່ານ ນ. ວິສິດສັນ ຈັນປະດິດ ຮອງຫົວໜ້າພະແນກງົບປະມານ ແລະ ລາຍຮັບວິຊາການ ໄດ້ຜ່ານການສ້າງແຜນງົບປະມານລາຍຮັບ-ລາຍຈ່າຍ ຂັ້ນຕອນການອະນຸມັດງົບປະມານການກວດກາຫຼັງຈ່າຍ ແລະ ວຽກລາຍຮັບວິຊາການພາຍໃນຂະແໜງ ຊສ.
ໃນກອງປະຊຸມດັ່ງກ່າວກໍ່ໄດ້ປະກອບຄຳຄິດຄຳເຫັນຈາກຄະນະພະແນກ,
ຄະນະຄະແໜງຢ່າງກົງໄປກົງມາ
ຕໍ່ມາ ທ່ານ
ແສນສັກ ພິມວົງສາ ກຳມະການພັກແຂວງ, ເລຂາພັກຮາກຖານ, ຫົວໜ້າພະແນກ ຊສ ແຂວງ ໄດ້ໂອລົມຕໍ່ກອງປະຊຸມໄດ້ເນັ້ນໃຫ້ເຫັນເຖີງການເຄື່ອນໄຫວວຽກງານຕ່າງໆຂອງພະແນກຕົນ,
ກອງປະຊຸມໄດ້ປິດລົງຢ່າງເປັນທາງການໃນເວລາ 4:35
ນາທີຂອງວັນທີ 21-ກຸມພາ 2025.
ຂຽນຂ່າວໂດຍ: ສັນທະນາ ນີລະໄຊ
ไม่มีความคิดเห็น: