👉 ຄະນະສະມາຊິກສະພາແຫ່ງຊາດ ປະຈຳເຂດເລືືອກຕັ້ງທີ 13 ລົງເຄື່ອນໄຫວພົບປະໂອ້ລົມ ແລະ ເຜີຍແຜ່ຜົນສຳເລັດ ຂອງກອງປະຊຸມສະໄໝສາມັນ ເທື່ອທີ 8 ຂອງສະມາຊິກສະພາແຫ່ງຊາດ ຊຸດທີ VIII ແລະ ສະພາປະຊາຊົນແຂວງ I
ໃນຕອນເຊົ້າ ຂອງວັນທີ 19 ພຶດສະພາ 2020 ເວລາ 08:30 ນາທີ, ຢູ່ທີ່ຫ້ອງປະຊຸມຊັ້ນ 4
ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ສະຫວັນນະເຂດ
ໄດ້ຈັດກອງປະຊຸມເຜີຍແຜ່ຜົນສຳເລັດ ຂອງກອງປະຊຸມສະໄໝສາມັນ ເທື່ອທີ 8
ຂອງສະມາຊິກສະພາແຫ່ງຊາດ ຊຸດທີ VIII ແລະ ສະພາປະຊາຊົນແຂວງ I
ຂຶ້ນພາຍໃຕ້ເປັນປະທານຂອງ ທ່ານ ປອ. ນາງ ສຸວັນເພັງ ບຸບຜານຸວົງ ສະມາຊິກສະພາແຫ່ງຊາດ
ປະຈຳເຂດເລືອກຕັ້ງທີ 13 ລັດຖະມົນຕີ ປະຈຳສຳນັກງານນາຍົກລັດຖະມົນຕີ
ໂດຍມີສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 13, ສະມາຊິກສະພາປະຊາຊົນແຂວງ,
ມີບັນດາຄະນະພັກ, ຄະນະນຳ ຂອງສາມພະແນກການ ຄື: ພະແນກຊັບພະຍາກອນທຳມະຊາດ-ສິ່ງແວດລ້ອມ,
ພະແນກອຸດສະຫະກຳ-ການຄ້າແຂວງ ແລະ ພະແນກກະສິກຳ-ປ່າໄມ້ແຂວງ ເຂົ້າຮ່ວມຮັບຟັງທັງໝົດ
ຈຳນວນ 61 ທ່ານ, ຍິງ 13 ທ່ານ.
ຈາກນັ້ນ, ທ່ານ ຄຳຜັນ ຄູນສະຫວັນ
ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 13 ຮອງປະທານສະພາປະຊາຊົນແຂວງ
ໄດ້ກ່າວເຜີຍແຜ່ຜົນສຳເລັດ ຂອງກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນແຂວງ ຊຸດທີ
I;
ຈາກນັ້ນ, ທ່ານ ປອ. ນາງ ສຸວັນເພັງ ບຸບຜານຸວົງ
ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13 ລັດຖະມົນຕີ ປະຈຳສຳນັກງານນາຍົກລັດຖະມົນຕີ
ໄດ້ໂອລົມ, ເຜີຍແຜ່ຜົນສຳເລັດ ຂອງກອງປະຊຸມສະໄໝສາມັນ ເທື່ອທີ 8
ຂອງສະມາຊິກສະພາແຫ່ງຊາດ ຊຸດທີ VIII
ແລະ ວຽກງານໃນໄລຍະ ການລະບາດຂອງພະຍາດ ສາຍພັນໃຫ່ມ ໂຄວິດ-19 ແລະ
ກໍ່ໄດ້ມີຄຳຖາມເຈາະຈີ້ມ ບາງບັນຫາ ໃນການຈັດຕັ້ງປະຕິບັດບັນດາຄາດໝາຍ, ໜ້າວຽກຈຸດສຸມ
ຂອງສາມພະແນກການ ໃນແຜນພັດທະນາເສດຖະກິດ-ສັງຄົມ ປະຈຳປີ 2020
ທີ່ສະພາແຫ່ງຊາດໄດ້ຮັບຮອງແລ້ວນັ້ນ;
ຫຼັງຈາກນັ້ນ, ຄະນະນຳຂອງສາມພະແນກການ
ກໍ່ໄດ້ຂໍຮັບເອົາທຸກບັນຫາ ຄຳຊັກຖາມ ແລະ ໄດ້ຊີ້ແຈ້ງຄຳຊັກຖາມ
ຂອງບັນດາທ່ານສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 13 ແລະ ສະມາຊິກສະພາປະຊາຊົນແຂວງ
ກ່ຽວກັບຄວາມຄືບໜ້າຂອງຈັດຕັ້ງປະຕິບັດ ບັນດາຄາດໝາຍ, ໜ້າວຽກຈຸດສຸມ ຂອງສາມພະແນກການ
ໃນແຜນພັດທະນາເສດຖະກິດ-ສັງຄົມ ປະຈຳປີ 2020 ແລະ ທິດທາງແຜນການ 6 ເດືອນທ້າຍປີ;
ມາຮອດເວລາ 12 ໂມງ 00 ນາທີ ຂອງວັນດຽວກັນ ກອງປະຊຸມກໍ່ໄດ້ປິດລົງຢ່າງເປັນທາງການ.
ไม่มีความคิดเห็น: